switch, stick, rod, verge;
penis, member, genitals.
ῤάβδος virga. Վարիչ. գործի՝ յառաջ կոյս կամ ի բաց վարելոյ. գաւազան՝ որպիսի եւ իցէ. բիր. չուպուգ. տէյէնէկ.
Վարոցս արմաւենեաց հատանելով՝ եհար զթիկունս նոցա։ Հարկանել զնա վարոցօք։ Վարոցիւք դալարօք հարկանել։ Վարոցիւ կամ վարոցով հարկանել զերեսս երանելւոյն. (Սոկըր. ՟Բ. 28։ Յհ. կթ.։ Ճ. ՟Ա.։ Հ=Յ. եւ Տէր Իսրայէլ. սեպտ. ՟Զ.։)
Երկոտասան վարոց ի մի կապեալ՝ հարկանէ զնա. (Վրդն. պտմ.։)
Ղանգանուն ի ցօղոյ անկեալ զխոտով՝ կռուի ի թափիչ վարոցս եւ ի մօրուս քօշից. (Խոր.։)
Զբերան նորա դաստառակաւ լցեալ՝ վարոցօք ի ներքս մղէին. (Յհ. կթ.։)
Կրել (կիսասարկաւագաց) մոմեղէնս, եւ զխաչագլուխ վարոցսն. (Ուռպ.։)
(Ի գիրս (Վստկ. ՟Մ՟Ժ՟Դ. ՟Մ՟Ղ՟Ե.) գրի իբր ռմկ.
Վարոցնիւ կամ թթենոյ չոր տերեւով։ Ձիթենի դալար վարոցով մի խառնէ զինքն)։
ՎԱՐՈՑ. իբր Ջրհեղ անդամ արու կենդանեաց. միզանոց. որ եւ լտ. virga.
Անդամ արուական, այսինքն վարոց առն։ Տղայ մի, որ ունէր դ ոտք, եւ դ ձեռք. նոյնպէս եւ ճուճն այսինքն է վարոցն կրկին եւս գոլով. (Մարթին.։)