to convert, to change, to turn, to transform.
μεταβάλλω muto, transmuto, inverto. Փոխել եւ արկանել յայլ վիճակ. յայլ ինչ փոխել. յեղափոխել. յեղուլ. փոխաբերել. փոխել, դարձնել.
Փոխարկելով զմեծութիւնն իւրաքանչիւր՝ եւ զտեղւոյն կայումնն փոխարկէ. (Պղատ. տիմ.։)
Փոխարկելով հոգւովդ քով սրբով. (Պտրգ.։)
Զցայդն ի ցերեկ փոխարկէին. (Անան. եկեղ։)
Զիմ շիջուոցէ ըղբոց տապին, փոխարկեսցէ ամպ ցօղագին. (Յիսուս որդի.։)
Զհինն ի նոր փոխարկել, եւ զթերին ի կատարելան. (Սարգ. ՟ա. յհ. ՟Ղ։)
Կեանք ընդ մահու փոխարկելով. (Շար.։)
Զամենայն ազգաց զմատեանս եւ զպէտս ի յոյն լեզու փոխարկել. (Խոր. ՟Ա. 1։)
Յեօթանասնիցն ճառ փոխարկեալ զդէմս բանիցս. (Նար. առաք.։)
ի զղջումն եւ յապաշխարութիւն փոխարկելով. (Ճ. ՟Բ.։)
Փայտ խաչիս իմոյ զփայտ մահուն ի կեանս փոխարկէ. (Տաղ.։)
Խաչակցեալ նմին՝ փոխարկին յանմահ ի կեանս.. . Զմահկանացուս առեալ՝ յանմահութիւն փոխարկեաց. (Շ. բարձր.։)
Արդէն իսկ ի նոյն կորստեան է, եթէ ոչ փոխարկեսցի. (Ոսկ. յհ. ՟Ա. 27։)
Եւ մեք փոխարկեալք ընդ վերին զօրսն (իբր հրեշտակեացեալք). (Շար.։)
ՓՈԽԱՐԿԵԼ. Փոխարինել. փոխանակել.
Մի փոխարկեր երկունս ցաւոց ընդ չարեաց իմոց։ Նոյնպէս ըզլոյս շնորհաց քոյին՝ փոխարկեցի ընդ խաւարին. (Նար. ՟Հ՟Ը։ Յիսուս որդի.։)